ترمب بإستهتارة و غبائه و غروره دخّل أمريكا بالحيط،
أمريكا تجتاز الصين. 81,665 أكثر من 13000 حالة تم تشخيصها في يوم واحد
إسمعوا الله يهديكم و يحميكم
الوضع جدّي
بعض الناس بتفكر إنه الإصابه بالكرونا إشي عادي علشان شافوا المصابين بالكرونا بيحكوا و ما مالهم إشي
لا يا جماعة الخير، غلط، في صور مرعبه من دول، وصلّوا لمرحلة يختاروا مين يعيش و مين يموت،
إيطاليا أكثر دوله أوروبيه عندها إستعدادات صحيه
5000 سرير للإنعاش، ما كفّوا إشي، حتى اللي بصير معه حادث أو جلطه أو حالة طارئه ما لاقى محل إله ليتعالج
إحنا إذا تعلمنا من تجارب غيرنا و إلتزامنا راح نختصر المعاناة و نختصر زمن إعادة ترميم الإقتصاد اللي كل ما طول الموضوع كل ما كانت تبعاته على إقتصاد الدولة و إقتصاد الأشخاص سيئة،
إحنا لسه في فرصه، و لازم نستغلها، و في بوادر منيحه
خلينا نشجع بعض و نتشارك بالمعلومات للوقاية
هو تحدي، يا بيطلعنا من هاي الأزمه أقوى و منظمين
أو،،،،،، ما بدي أحكي أو،،، أنا مُصر إنه إحنا قادرين نتحدى و نتغلّب على هاي الأزمه